Bizkaiko Aldundiak bultzatuta eta HAZI eta IHOBE bazkide izanik LIFE+ ‘Ordunte Iraunkorra’ proiektua Ordunte (Karrantza Harana, Bizkaia) Interes Komunitarioko Lekua (LIC) osatzen duten habitat eta espezieen aldeko kontserbazio egoera epe luzera bermatu eta, bidenabar, inguruaren premia sozio-ekonomikoei arreta jartzeko xedea duen egitasmoa, baliabide naturalak modu iraunkorrean aprobetxatuz. Ordunteko mendilerroa Bizkaiko mendebaldeko muturrean dago; horrez gain, Europako Natura 2000 sare ekologikoaren barruan dago, alegia, habitat eta espezien garrantziari dagokionez kontinenteko eremu baliotsuenak babestu nahi dituen sarean.

Izan ere, nahiko ezohikoak diren zenbait habitat garatu dira Enkarterrietan, hain zuzen ere, eskualdea geografikoki nolabait isolatuta dagoelako, lurrak izaera silizeo nabarmena duelako han, euri asko egiten duelako eta tontorretan lainoa etengabe dagoelako.

Eskualde bitxia izatea, neurri handi batean, bertan Zalamako zohikaztegia egoteari zor zaio; izan ere, Euskal Autonomia Erkidegoko estalki motako zohikaztegi bakarra da. Habitat mota hori Europako ipar eta mendebaldeko eskualdeetan oso ohikoa eta berezko da, baina oso arraroa da Iberiar Penintsulan. Zohikaztegiaz gain, Orduntek interes handiko beste gune higroturboso batzuk ere baditu.

Horrelako habitaten kontzentrazio handiena duen erkidegoko LICa da, EAEn bakarrak diren espezie botaniko baliotsuak baititu, besteak beste, Eriophorum vaginatum deritzona, galtzeko arriskuan dagoen espezie gisa katalogatutakoa.

Proiektuaren inguruko informazio gehiago 

Ekitaldiak Karrantzan Ingurumenaren Egunean