banner6.jpg

Berriak

Jardunaldia:Brexit Euskadiko ardoetan eragina

Hurrengo azaroaren 22an, asteazkenean, Guardian Brexit-ak Erresuma Batuan egiten den salmentan izan dezakeen eragina aztertzeko eta ardo sektorearentzako laguntza publikoei buruz informatzeko jardunaldi bat egongo da.

HAZIk, Eusko Jaurlaritzak eta Espainako Ardo Merkatuaren Behatokiak antolatuta, Euskadiko ardoaren esportazioen eboluzioa eta joerak jakinaraztea eta beraien etorkizunari buruz hitz egitea dira, besteak beste, jardunaldiaren helburuak.

Izena eman

Programa ikusi

HAZIk Lautadaren Taupada:Lautadako Landa Garapenaren I.Astean parte hartzen du

Pasa den azaroak 5 Lautadaren Taupada:Lautadako Landa Garapenaren I.Astea hasi egin zen eta horren inguruan hainbat ekitaldi eta jardunaldi antolatzen ari dira.

Honela, bihar, azaroak 9 Landa Garapenari buruzko I Jardunaldi Teknikoa egingo da Ozaetan, Landa Garapena XXI. mendean:hurbileko ekonomia suspertzea gaiarekin eta HAZIren parte hartzea izango du. Batetik, Euromontanako zuzendaria den Juanan Gutierrezek Landa eremuetako garapenerako eredu berriak hitzaldia eskeiniko du eta bestetik Nagore Garc铆ak NIREA programa azalduko du.

topaketa

Rioja Alavesa Wine Runen bigarren edizioak arrakasta itzela izan du

Rioja Alavesa Wine Runen bigarren edizioak arrakasta itzela izan du 3000 partehartzaile baino gehiagorekin. Kirol-ekitaldi hau Ardoen Azokarekin batera osatzen da, eta bere helburua da Arabako Errioxa eta familia-upeltegien tradizioa eta kultura sustatzea. Hala, honakoen laguntzari esker burutu ahal izan da ekitaldia: Nekazaritza, Arrantza eta Elikagaien Politikako Sailburuordetza; HAZI; Turismo eta Merkataritza Sailburuordetza; Aldundia; Guardiako Udala; Arabako Errioxako Kuadrilla; Ardoaren Ibilbidea; eta ABRA.

Inguruko bide, bidezidor eta mahastiek 26 probintziatik etorritako parte-hartzaileak hartu zituzten atzo. 400 korrikalarik parte hartu dute 12 eta 20 kilometroko lasterketetan, eta 800 pertsona inguruk ibilaldi herrikoian (12 kilometrokoa halaber), zeinetan Ruiz de Vi帽aspre, Eguren Ugarte eta Garc铆a de Olano upeltegietako ardoak dastatu ahal izan dituzten.

Ardoen Azoka

Arabar Errioxako honako 7 upeltegiek hartu zuten parte: Bodegas Idiaquez, Eguren Ugarte, Pagos de Leza, Luis Alegre, Bodegas Tierra, Pascual Larrieta eta Ram铆rez Baigorri. Azokan, zeina jende guztiari irekita egon den, Arabako Errioxako ardoak eta EuskoLabeldun produktuez egindako pintxoak dastatu ziren.

wine

Eusko Label dastatzeak Wine Run Rioja Alavesan

Hurrengo igandean, urriaren 29an Guardian Wine Run Rioja Alavesa ospatuko da, kultura, paisaia eta ondare berezia duten mahasti inguruneak erreibindikatzeko jaioa, tokiko tradizioarekin eta kalitatearekin batera. 

Arabako Errioxako Wine Run ekitaldia Eusko Jaurlaritzaren, Lanzaroteko Kabildoaren eta Arabako Foru Aldundiaren laguntzari esker iritsi egin eta HAZIren eta Basquetourren bitartez gauzatu zen.

Aurten 12 edota 20 kilometro korrika egiteko hala nola 12 kilometrotako martxa aukera eskeintzen da. Partehartzeileen artean 1200 Eusko Label burgerrak banatuko dira eta gerturatzen diren pertsonek ere burgerrak, Euskal Baserriko Txerria edota EuskoLabela duen oilaskoa dastatu ahal izango dute.

HAZIk Emakunderen Berdintasuneko Foroan parte hartzen du

HAZI, Neiker eta Elikarekin batera lehen aldiz hartuko du parte Emakunderen Berdintasunerako Foroan, elikadura katearen esparru guztietan generoaren perspektiba sartzearen garrantzia agerian jartzeko.

Hori dela eta, datorren azaroaren 3an, ostirala, jardunaldi ireki bat egingo da Arkautiko Zalditegietan (Araba), 9.15etik 14:00etara, 鈥Emakumeen rola elikadura katean鈥 izenburupean, 2017ko Berdintasunerako Foroaren esparruan. Jardunaldian zehar hainbat emakume arituko dira hizlari, elikadura kateko maila desberdinetakoak, eta euren lekukotza azalduko digute.

Jardunaldira joateko, beharrezkoa da hemen izena ematea. Izena emateko epea urriaren 31n amaituko da.

 

Euromontanaren Batzar Nagusia: kide berriak eta mendiko produktuen Europako karta

Erakundearen lehendakaritzan Euskadik bete duen bosgarren urtearen barruan, joan den urriaren 18an Euromontanaren Batzar Nagusia elkartu zen, Bruselan. Bertan, besteak beste, bost bazkide berri sartzea onartu zen:

  • Hiru lurralde elkarte, Lleida eta Avilako Diputazioak eta Tirol Hegoaldeko Gobernua (Bolzanoko probintzia autonomoa, Italian); horrek lurraldea kudeatzen duten eta gobernantza moduak mobilizatzen erakundeen presentzia indartzen du Euromontanaren baitan, Eusko Jaurlaritzarekin gertatzen den bezala.
  • Erakunde akademiko bat: Western Norway Research Institute鈥, zeinak, besteak beste, ikerketaren eta berrikuntzaren transferentzia lantzen duen, lurraldearen beharren arabera.
  • Italiako elkarte kooperatibo garrantzitsu abt: Alleanza Cooperative Italiane鈥, zeinak Italiako kooperatibismoaren %90 elkartzen duen. Ez da beharrezkoa azpimarratzea ikuspegi kooperatiboak nolako garrantzia duen mendiko garapen sozioekonomikoko testuinguruetana.

asamblea euromontana

Aldi berean, egunean bertan Euromontanak Konferentzia bat antolatu zuen "Nola eman hobeto balioa mendiko nekazaritzako elikagaiei" izenburupean, eta "Europako Mendiko Kalitateko Produktuen Karta" ere abiarazi zen; egitasmo horretan Euromontana atxikipen bila dabil, ahalik eta gobernu, erakunde eta pertsona gehienen sinaduren bitartez. Juanan Gutierrezek eta Euromontanako Zuzendaritza Batzordeko hainbat kidek "Mendiko Produktuen Aipamen Fakultatiboa"-ren garapena aurkeztu zuten; proiektua, besteak beste Euromontanaren ekimenez, 2012an abiarazi zuen Europar Batzordeak (1151/2012 Erregelamendua). Jardunaldia amaitzeko, Euromontanako kideek eramandako tokiko hainbat produktu dastatu zituzten, tartean Euskaditik eramandakoak ere.

Bereziki aipagarria izan zen hainbat bazkidek ordezkari politikoak eraman zituztela. Euskaditik, Juanan Gutierrezez gain, erakundeko zuzendaria den heinean, Landa Eta Itsasertz garapeneko zuzendari Irma Basterra ere izan zen. Europako parlamentariak, Norvegia, Italia eta Frantziako zenbait eskualdetako arduradun politikoak, parlamentari nazionalak, esaterako Suitzako Parlamentukoa, eta nekazaritzako elikaduran eta landa garapenean diharduten erakunde eta elkarteetako ordezkaritza handia bildu ziren ekitaldi bikoitzera.

.

HAZIk Egurraren III Astean parte hartzen du

Atzo hasi egin zen Egurraren III Astea, urriaren 29 arte iraungo duena. Akitania- Euskadi- Nafarroa Euroeskualdearen markoan, mugaz haraindiko lankidetzaren sustapena, etengabeko berrikuntza ekoizpen prozesuetan eta herritarrei zuzendutako sentsibilizazio kanpainak, urtean zehar Baskegur-ek burututako lanaren alderdi azpimarragarrienak dira eta aste honek horiek azpimarratu nahi ditu. 

HAZIko zenbait langilek hartuko dute gaur parte hiru proiektu estrategikoak azalduz:

I帽aki Gerenabarrenak Egurraren Sektoreko Plan Estretegikoa azalduko du eta Biomasaren inguruko beste proiektu bat ere. 

Bestalde Alejandro Canterok kubikazioari buruzko proiektu bat azalduko du, hala nola LIDAR eta laserraren erabilpena. 

Mar铆a Marcillak ere GESFORE proiektua azalduko du.

pinos

Euskadiko LGP-OSOA, enpresak sortzen laguntzeagatik Europan eredugarri

Euskadiko Landa Garapen Programa, OSOA deritzona, Europako adibide on gisa hartu dute enpresak sortzen laguntzeagatik. Lisboan urriaren 11n eta 12an ospatu zen Agri Innovation Summit ekitaldian aurkezteko hautatutako bakarra izan zen OSOA programa. 

Informazio gehiago

Eusko Labeldun Pintxo Lehiaketa Getxon

Bihartik eta urriaren 22ra eta urriaren 26tik 29ra 鈥淒astatu Getxo鈥 VII. Pintxo Ibilbidea ospatuko da. Euskolabeldun Gernikako Piperrak, Euskal Baserriko Arrautzak edota Ibarrako Piparrakin egindako pintxoak dastatu aha izango dira.

Publikoak 10 sari hauen zozketan parte hartu ahalko du: egonaldi bikoitza gosariarekin eta termen zirkuituarekin, bi lagunentzako menua eta termen zirkuitu ludikoak La Hermida hotel-bainuetxean, eta Kutxabanken 3 opari-txartel, 100 eurokoa bakoitza, proiektuan parte hartzen duten establezimenduetan trukatzeko. Pintxoaren kostua 1,50 eurokoa da parte hartzen duten establezimendu guztietan.

getxo kartela

 

Tolosak Landa Inguruneko Emakumearen Nazioarteko Egunaren beste edizio bat hartu du, 鈥淓gindako lanaren aitortza鈥 lemapean

Eusko Jaurlaritzako Nekazaritza, Arrantza eta Elikagaien Politikako sailburu Bittor Orozek Euskadiko Lana Inguruneko Emakuneen Nazioarteko Egunaren hamalugarren edizioa inauguratu du gaur, Tolosan, 鈥Egindako lanaren aitortza鈥 lemapean, eta Euskal Herriko bazter guztietatik etorritako 200 emakume inguru bildu dira bertan.

Eusko Jaurlaritzako Ekonomiaren Garapeneko eta Azpiegituretako Sailak antolatu du eguna, Euskadiko Landa Inguruneko Emakumeen Batzordearekin elkarlanean, eta egunean zehar lehen sektoreko eta landa inguruneko emakumeen egungo egoerari buruzko hainbat azterketa aurkeztu dira, eta Eusko Legebiltzarrak 2015ean aho batez onartu zuen Emakume Nekazarien Estatutuaren edukian eta garapenean sakondu da. 

emakumea

Inaugurazioan, Oroz sailburuordeak, alboan Tolosako alkate Olatz Peon eta Sustapen Ekonomiko, Landa Ingurune eta Lurralde Orekako diputatu Ainhoa Aizpuru zituela, azpimarratu nahi izan du Eusko Jaurlaritzak landa inguruneko emakumeei ematen dien babesa eta Estatu honek duen garrantzia nabarmendu, estatu osoan dagoen lehena baita; izan ere, estatutuak 鈥lehen sektoreko emakumeen lana ikusiarazi, goratu eta arautzen du eta ustiategien titularitatea eskuratzen laguntzen die emakumeei鈥. 鈥淏erebiziko garrantzia duen lana da, -gaineratu du- landa ingurunearen zein euskal ekonomia osoaren garapen ekonomiko eta sozialerako. Ezinbesteko urratsa da landa inguruneko emakumeen lanbidea onartzeko eta gizartearen begirunea lortzeko, eta haien eskubide profesional, sozial eta fiskalak benetan gauzatzeko.鈥

Egunaren edukia

"Egindako lanaren aitortza" lemapean, urtetan eta urtetan Euskadin landa ingurunearen alde aritu diren emakumeei eskerrona erakutsi nahi izan zaie egindako lanagatik eta lan hori agerian utzi, eta emakumeeek hainbat elkartetan egindako bidearen berri eman da (Hitzez eta Tolosako Babarruna Elkartea). Era berean, Landa inguruneko Emakumeen Batzordeko kideak diren elkarteetako ordezkariek horma irudi bat osatu dute, kasu zehatzekin, aitortza ekitaldi hau agerian uzteko. Landa inguruneko emakumeen eta emakumen nekazarien egoerari buruz 2016an egindako bi azterlan ere aurkeztu dira.

Azterlanen aurkezpena

Lehen azterlana, 鈥淓makumeak euskal landa ingurunean, Estatistikaren Euskal Planaren barruko lau hilekoko txostena da, eta bere helburua da landa inguruneko emakumeen bizimoduari buruzko informazio etengabea lortzea, bestela antzematen zailak izango lirateken premiak eta gabeziak detektatzeko: besteak beste, antzeman da landa inguruneko emakumeek landa inguruneko gizonezkoek baino ordubete gehiago egiten dutela lan egunero eta, gainera, urtetik urtera gehiago direla elkarteetan, zein politikan edo prestakuntza ikastaroetan parte hartzen duten emakumeak, eta lehen sektorea landa ingurunearen oraingo zein etorkizuneko aldaketa eragiletzat jotzen dutela, betiere sektorean gazteak sartzea babesten baita.

Bigarren azterlanak, 鈥淓makumeak euskal nekazaritza sektorean: emakume nekazariak鈥 izenekoak, egoeraren hasierako argazki bat planteatzen du, Estatutuan jasotzen diren neurriek etorkizunean edukiko dituzten ondorio positiboak neurtu ahal izateko. Azpimarratzekoa da ustiategien %37 baino ez daudela emakumeen esku, nahiz eta emakumeak laguntza handia izan nekazaritzako ustiategirako, gehiengoa baitira famili laguntzan. Azterlan bien eduki osoa web orri honetan kontsultatu daiteke:

http://www.euskadi.eus/landa-emakumeak/web01-a2lanits/eu/

Emakume Nekazariaren Estatutua

2015ean Eusko Legebiltzarrak Emakumen Nekazarien Estatutua onartu zuen aho batez, eta une horretan Euskadi lehen sektoreko eta landa inguruneko emakumeen lan egoera arautzen zuen lehen Autonomia Erkidegoa bihurtu zen. Bere asmo nagusia zen emakumen nekazarien lana gehiago ikusaraztea eta ustiategien titularitatea eskuratzen laguntzea. Keinu sinbolikoan, onarpen horrek bat egin zuen Landa Inguruneko Emakumeen Nazioarteko Egunaren ospakizunarekin.

Estatutuaren oinarrian dago nekazaritza sektorean emakumeek sufritzen duten diskriminazioari aurre egitea, batez ere aitortza profesionalari eta estimu sozialari dagokionez. Egia da ustiategien titularrak diren emakumeen proportzioa ez datorrela bat horiek egiten duten egiazko lanarekin, sarritan lan horiek agerikoak ez direlako. Helburua da landa eremuko emakumeen zereginaren balioa agerian jarri eta ikusgarri bihurtzea, eta bereziki nekazaritzako elikagaien industriari eta, ondorioz, landa garapenari egiten dioten ekarpena.

Onda Vascan HAZIko Virginia Andr茅si egindako elkarrizketa Landa Inguruko Emakumearen Nazioarteko Eguna dela eta

Lea Artibai 2017 eta Loiuko XXV Gastronomia eta Eskulangintza Azoka

HAZI asteburu honetan hainbat tokitan egongo da Eusko Label dastatzeak eskeiniz. Horien artean goraipatu behar dira Lea Artibai 2017 Azoka eta bere asteburu enogastronomikoa, enologo jakituna den Mikel Garaizabal izango da bertan txakoli eta Idiazabal gaztaren dastaketa batekin, besteak beste. Programa ikusi

Era berean urriaren 15ean, igandean, Loiuko XXV Gastronomia eta Eskulangintza Azoka ospatuko da eta bertan Bizkaiko txakolina eta euskal baserriko oilaskoa dastatzeko aukera egongo da.

loiu

Baita ere dastatzeak egongo dira Urriaren 12an Basauriko San Faustoak eta Elosuko XXXIX Mendi Ganadu Azokan eta 15an Gaubeako Patataren Azokan.

San Sebastian Gastronomika-Euskadi Basque Country 2017 ekitaldian arreta berezia egiten zaio Euskadiko ardoak desberdintzeari

Atzo inauguratu zen 鈥San Sebasti谩n Gastronomika-Euskadi Basque Country 2017鈥-ren edizio berria, Donostiako Kursaalen. Elikaduraren, gastronomiaren eta sukaldaritzaren profesionalen nazioarteko topagunea da, eta urteroko hitzordu ere bihurtu da zaletuentzat eta jendearentzat oro har. Edizio honetan, Eusko Jaurlaritzako Ekonomiaren Garapeneko eta Azpiegituretako Sailak estand zabala du era askotako jarduerak garatzeko, ardoei arreta berezia eskainita eta, modu horretan, Errioxa J.I.ren baitan Arabako Errioxako ardoak desberdintzearen alde egindako apustu garbiari eusteko.

San Sebastian Gastronomika-Euskadi Basque Country鈥-ren moduko nazioarteko foro batean modu nabarmenean parte hartzea da Eusko Jaurlaritzak elikaduraren balio kate osoa sustatzeko eta laguntzeko duen estrategietako bat, eta exekutibo autonomoak berriki aurkeztu duen Gastronomiaren eta Elikaduraren Plan Estrategikoan jasotzen da. Planak, Ekonomiaren Garapeneko eta Azpiegituretako Sailak kudeatu eta koordinatzen duenak, diagnostiko sakona egiten du elikaduraren eta gastronomiaren kateak nazioartean zein toki mailan egun duen egoeraren gainean, eta lortu nahi dituen helburuetako batzuk dira Euskadik nazioartean duen posizionamendua eta eragina sendotzea eta horren bidez gastronomiaren eta elikaduraren alorrean erreferentziako lurralde bihurtzea, eta nazioartean hainbat eremutan abangoardia direnekin harremanak ezartzea edo mantentzea Euskadi Basque Country markaren pean.

Arabako Errioxako ardoen sustapena

Hala, Eusko Jaurlaritzaren standaren barruan, ABRA elkarteak (Arabako Errioxako Upategien Elkartea) koordinatuta ardoen etiketetan Arabako Errioxa edo udalerria aipatzen duten upategietako ardoak sustatutzen ari dira, stand horretan lehentasunezko lekua emanda. Urriaren 9, 10 eta 11n 鈥渄astaketa espresak鈥 egiten ari dira, gutxi gorabehera 25-30 minutu artekoak eta publiko mota bakoitzari egokituta. Dastaketa bakoitzean hiru ardo dastatuko dira (zuri 1 eta 2 beltz). Ardoak gutxienez bi upategi desberdinetakoak izango dira.

Era berean, dastaketak ez daudenean, upategiek gune hori erabili dezakete bezeroekin bilerak egiteko. Standaren mostradorean Arabako Errioxako Upategien Elkartean honetarako propio argitaratutako esku-orri bat emango da, eta plasmazko pantaila bat egongo da dastaketak grafikoki laguntzeko. Pantaila horretan, halaber, Arabako Errioxa sustatzeko bideoak emango dira.

cata-sg

Euskadi-India aldebiko topaketa

Jakinda India dela 鈥淪an Sebasti谩n Gastronomika, Euskadi - Basque Country鈥 ekitaldiko herrialde gonbidatua, Eusko Jaurlaritzako Ekonomiaren Garapeneko eta Azpiegituretako Saila eta Euskadiko Elikaduraren Klusterra Indiako erakundeetako ordezkariekin elkartu dira nekazaritzako elikagaien alorrean aldebiko lankidetzarako dauden aukerak aztertzeko. Egin dituzten bileretan, Indiako ordezkaritzak azaldu du zer abantaila eta negozio aukera eskaintzen ditu bere herrialdeko elikagaien eta gastronomiaren merkatuak euskal industriarako.

San Sebastian Gastronomika- Euskadi Basque Country鈥 topaketaren hameretzigarren edizioa da hau. Eusko Jaurlaritzak hasieratik babestu du ekitaldia, eta goi mailako gastronomiaren munduko erreferentzia sendo bihurtu da, bai eta munduko suakaldaririk hoberenen topagune ere. India herrialde gonbidatua izanik, oraingo honetan 150 erakusketari eta 200dik gora hizlari egongo dira, munduko bazter guztietatik etorrita, eta aurreko esperientzietan oinarrituta 13.000 pertsona baino gehiagoren bisita espero da.

Kongresuak programa zabala dauka eta era askotako jarduerak, produkturik aukerakoenak ezagutzeko, gozatzeko eta dastatzeko, hala nola ikus-entzunezkoak, xanpain lehiaketak, dastaketak, maridaje gidatuak, sukaldari ospetsuen klase magistralak, etab. Binakako ardo dastaketaren Wine&Win lehiaketaren bosgarren edizioa ere egingo da bertan, bai eta 鈥淭he Txoko Experience.Tthe secret culinary space of the basques鈥 dokumentalaren estreinaldia, aukeratutako maridajeen adibide praktikoak eta joerenak, eta gastronomika nerabeentzat ere.

scribdicon

HAZI. Egoitza Nagusia. Granja modeloa z/g 01192 Arkauti, Araba. IFK. G48986137  l T 945 00 32 40 | hazi@hazi.eus | Pribatutasun Politika | Ohar Legala | Urrutiko Kontrola